અત્યાર સુધી જૈન મંદિરને પરાયું માનતા હતા , જૈન મૂર્તિને નજરે નિહાળવાનો કોઈ રસ નહોતો . હવે જૈન મંદિર અને જૈન મૂર્તિ માટે આકર્ષણ જાગ્યું . જૈન મૂર્તિની શાંત મુખમુદ્રા , પદ્માસન આકૃતિ , વિશાળ આંખો જોઈને મોક્ષ અવસ્થાની કલ્પના આવી અને એ કલ્પનાથી રોમ રોમ વિકસિત થઈ ગયા . મૂર્તિને જોઈને ખુદનો મોક્ષ યાદ આવ્યો અને મોક્ષની સભાન કલ્પનાથી એવો આહ્લાદ અનુભવ્યો કે આંખો અર્ધી મિંચાઈ ગઈ , શરીરમાં અહોભાવજનિત કંપ પેદા થયો . આ છેલ્લા બે વાક્યોમાં કોઈ અતિશયોક્તિ નથી બલ્કે આ બે વાક્યોમાં નગદ સ્વભાવોક્તિ છે . શ્રી રામચંદ્ર સૂરીશ્વરજી મહારાજાના શબ્દો અનુસાર વિચાર નિર્માણ કર્યું હતું : ભગવાનની મૂર્તિને જોઈને જેને પોતાનો મોક્ષ યાદ આવે તે સાચો જૈન , આ વાક્યને અનુસરીને કલ્પના કરવાની કોશિશ કરતા . જેટલો વિચાર સ્પષ્ટ હોય એટલું પરિણામ ઊંચું આવે . સુરેશભાઈનું જૈનત્વ અહીંથી શરૂ થયું . ભગવાન સંબંધી માન્યતામાં જે પરિવર્તન આવ્યું તેને દાર્શનિક પરિવર્તન પણ કહી શકાય .
ભગવાનને જોઈને ભગવાન્ બનવાનું મન થાય છે . એવું નથી કે ભગવાનનો વૈભવ આકર્ષે છે . ભગવાનનાં સુખનું સ્તર આકર્ષે છે . ભગવાનનો વિશુદ્ધ સ્વભાવ આકર્ષે છે . આવું સુખ અને આવો સ્વભાવ મારામાં પ્રકટી શકે છે આ વાત તો સાત જન્મે પણ વિચારી નહોતી ……., સુરેશભાઈનું આ આત્મસંવેદન હતું .
એક તરફ વીતરાગ પ્રભુની મૂર્તિ , આલંબન બનીને પરમ પદની પ્રેરણા આપી રહી હતી . બીજી તરફ પ્રશ્ન જાગતો હતો કે પરમ પદની મંઝિલ સુધી પહોંચવા માટે કેવો અને કેટલો પુરુષાર્થ કરવાનો રહેશે ? મારે ક્યાંથી અને કેવી રીતે જૈનત્વનું આચારપાલન શરૂ કરવાનું છે ?
દેરાસર ઉપાશ્રય સંબંધી વિધિની કોઈ જ જાણકારી નહોતી . ભીખુભાઈ , તેજપાલભાઈ જેવા જૈન મિત્રોની સંગતે સૂત્રો અને ક્રિયાઓ શીખવા લાગ્યા . રાત્રે નહીં ખાવાનું , અમુક શાકભાજી નહીં ખાવાની , જૈન મુનિ ભગવંતોનાં વ્યાખ્યાનોમાં જવાનું … આ સિલસિલો શરૂ થયો . ભાયાણી પરિવારનું વાતાવરણ એકદમ સૅટ હતું તેમાં ખલેલ પહોંચવા માંડી .
ક્રાઉન ટીવીની ઓફિસ પૂનામાં ચાલુ થઈ તેના મેનેજર બનવાની ઓફર સુરેશભાઈને મળી . આ ઓફરથી સ્ટેટસ અને મની , બંનેમાં ઘણોમોટો ફાયદો થશે એ નક્કી હતું . લક્ષ્મી ઘરઆંગણે ચાંદલો કરવા આવી હતી , જાણે . ભાયાણી પરિવારમાં અને લોહાણા સમાજમાં કોઈને આટલી મોટી ઓફર , આજસુધીમાં મળી નહોતી . સૌને એમ હતું કે હમણાં સુરેશભાઈ ઓફર સ્વીકારી લેશે . બન્યું કાંઈક જુદું જ . સુરેશભાઈએ એ ઓફર ઠુકરાવી દીધી . કંપનીને સખ્ખત આશ્ચર્ય થયું . સ્વજનોને અને આત્મીયજનોને આંચકો લાગ્યો .
શું કામ ના પાડી દીધી ? – સુરેશભાઈને પૂછવામાં આવ્યું ત્યારે એમણે ઠંડે કલેજે જવાબ આપ્યો : મારે હવે , આ બધી જંજાળો વધારવી નથી . (ક્રમશઃ)
હેમજીવનગાથા – ૧
હેમભૂષણ સૂરિ રાયા , લાખોના લાડકવાયા
ભાવથી કરીએ વંદન
ધરમ ધુરંધર શાસન નાયક ,મારગ દર્શક શક્તિ પ્રદાયક
વચનમાં વરસે શીત સુગંધિત ચંદન
જ્ઞાની ધ્યાની ધન્ય ગુરુવર , સૌને આપે આત્મીય આદર
શાતાકારી લાગે મંગલ દર્શન
મહિમાવંત મનોહારી , ગીતારથ ગુણકારી
ભાવથી કરીએ વંદન .૧
પલ પલ પ્રભુના રંગમાં રમતા , સત્ય અને સદ્ ગુણને નમતા
પૃચ્છા પ્રેરણા એની હતી મનભાવન
સમતામાં લયલીન એ સાધક , રત્નત્રયના શ્રેષ્ઠ આરાધક
હૈયે ગુરુભક્તિનાં સ્પંદન પાવન
સંઘ સમુદાય વિકાસ , લખ્યો અમર ઈતિહાસ
ભાવથી કરીએ વંદન .. ૨
( બહેતી હવા સા થા વો )
શ્રી હેમ યાત્રા – ૧
+ જનમ થયો આસો વદ આઠમે .
વિ. સં. ૨૦૦૩ . સ્થાન – કસ્તુરબા હોસ્પિટલ , વલસાડ
—————————–
શ્રી હેમ પ્રેરણા – ૧
+ જેની શક્તિ – શાસન , સંઘ અને સમુદાયને કામ લાગે તેની શક્તિ સફળ . જેની શક્તિ – શાસન , સંઘ અને સમુદાયને કામ ન લાગે તેની શક્તિ નિષ્ફળ .
_______________________________
શ્રી હેમ જીવન ગાથા – ૨
નાનો છે દીવો ને નાની અગરબત્તી ,
નાનો ચરવળો છે નાની છે મુહપત્તી
મંદિર ગમે છે એને ઉપાશ્રય ગમે છે ,
પ્રભુને નમે સાધુ સાધ્વીને નમે છે
કોણ છે આ બાળ ? આ તો હરિન છે .
કરે છે એ સામાયિક , કરે છે પ્રતિક્રમણ ,
અભક્ષને ખાય નહીં એ , કરે નિયમ પાલન
વ્યાખ્યાન સાંભળે છે , ધર્મ સૂત્ર યાદ કરે ,
આત્માને લાભકારી , અભ્યાસ આબાદ કરે
કોણ છે આ બાળ ? આ તો હરિન છે . ૧
ભણે પાઠશાળામાં જઈ કાયમ , ડરે પાપપ્રવૃત્તિથી હરદમ
એને પ્રેમસૂરિદાદા મહાપુણ્યે મળ્યા
એનું મન મુનિ સંગ જોડાયું , દિલ સાધનાના રંગે રંગાયું
એનાં કર્મો હળવે હળવે દૂર દૂર ટળ્યાં
એને દીક્ષા ગમવા લાગી , એની પુણ્યાઈ ખૂબ જાગી
વીણા વૈરાગની વાગી
કોણ છે આ બાળ ? આ તો હરિન છે . ૨
રોહિતવિજયજીને નિહાળ્યા , સાધુ સંગમાં પાપ પખાળ્યા
મુનિવર નિશ્રાએ રહી અભ્યાસ એ કરે
માતા મણિબેન મન ડોલે પિતા છગનભાઈ બોલે
દીક્ષા લે જો સંતાન , તો એ ભવ તરે
મળ્યા મૃગાંક મુનીશ્વર , એને માન્યા ભાવે ગુરુવર
લાગ્યું સંયમ સુખકર
કોણ છે આ બાળ ? આ તો હરિન છે . ૩
વાપી શહેરનું રતન અમોલ , દીક્ષા મહોત્સવના વાગ્યાતા ઢોલ
દીક્ષાનો વરઘોડો નીકળ્યો મહાન બાળદીક્ષાર્થી દે ખૂબ વર્ષીદાન
કોણ છે આ બાળ ? આ તો હરિન છે . ૩
માતાપિતાની મમતા છોડી , ભાઈ દીપકની પ્રીતને તોડી
સુખ સુવિધા સૌ અનુકૂળતા એ દૂર કરે
દુઃખ સહેવા બને તૈયાર ગુરુને માને જીવન આધાર
હૈયે ઊંચા ઊંચા બહુ અરમાનો એ ધરે
નાની વયમાં પરાક્રમ કીધું , સિંહ સત્ત્વથી સંયમ લીધું
બાલમુનિને જોઈને સંઘની આંખો ઠરે
કોણ છે આ બાળ ? આ તો હરિન છે . ૪
( દેખો યે કૈસી હૈ ઓસ કી )
શ્રી હેમ યાત્રા – ૨
+ મા-બાપનાં સંસ્કરણથી બાળપણને ત્રણ પ્રવૃત્તિ મળી .
૧ . જિનાલયમાં પ્રતિદિન પ્રભુભક્તિ .
૨ . ઉપાશ્રયમાં સાધુ-સાધ્વીજીનું સાંનિધ્ય
૩ . પાઠશાળામાં ધાર્મિક અભ્યાસ અને સંસ્કાર
—————-
શ્રી હેમ પ્રેરણા – ૨
+ નાની ઉંમરમાં બાળકને જે સંસ્કાર મળે છે તેના આધારે જ બાળકનું સંસ્કારી ભવિષ્ય નિર્ધારિત થાય છે .
___________________________
હેમજીવન ગાથા . ૪
————-
ગુરુભક્તિની અલખ જગાવી તન મન આળસ દૂર ભગાવી
જય મુનિ હેમ જય જય મુનિ
હેમ શાસ્ત્રાભ્યાસની લગની પ્રચંડ ચિત્તવિશુદ્ધિ સતત અખંડ
જય મુનિ હેમ જય જય મુનિ હેમ . ૧
મૃગાંકવિજયજી કરે અનુશાસન ગુણ ઉદ્ ભાસન દોષ નિરાસન
ગુરુ મૈયા કરે છે યોગક્ષેમ જય મુનિ હેમ જય જય મુનિ હેમ . ૨
સેવા કરવામાં એકલીન શિષ્ય રહે આ આજ્ઞા અધીન
મનમાં ધારે નહીં શંકા વહેમ જય મુનિ હેમ જય જય મુનિ હેમ . ૩
ગુરુવર અઘરાં કામ બતાવે શિષ્ય એ કામને સરળ બનાવે
ના ક્યારેય બોલે જેમતેમ જય મુનિ હેમ જય જય મુનિ હેમ . ૪
તપ જપમાં રમતા જ રહેતા મુખથી મીઠાં વચન કહેતા
રત્નત્રયીનો ઉત્કટ પ્રેમ જય મુનિ હેમ જય જય મુનિ હેમ . ૫
ખૂબ ભણ્યા ખૂબ ભીતર ઉતર્યા માન અને મદ મનમાં ન ધર્યા
તેજ સુવર્ણ આભૂષણ જેમ જય મુનિ હેમ જય જય મુનિ હેમ . ૬
વેયાવચ્ચી ગુણ અનુરાગી ગીતારથ વૈરાગી ત્યાગી
ગુરુ રાખે જેમ રહેતા તેમ જય મુનિ હેમ જય જય મુનિ હેમ . ૭
( મંગલ ભવન અમંગલ હારી )
———————–
શ્રી હેમ યાત્રા – ૪
+પૂ.ગુરુદેવ શ્રી મૃગાંકવિજયજી મ. ની છત્રછાયામાં મુખ્યત્વે ત્રણ વાત શીખ્યા .
૧ . નિયમપાલન કટ્ટરતાથી કરવું .
૨ . મનને સ્વાધ્યાયમાં પરોવાયેલું રાખવું .
૩ . ગુરુની પ્રસન્નતાનું સતત ધ્યાન રાખવું .
શ્રી હેમ પ્રેરણા – ૪
+ ગુણોને પામવા પુરુષાર્થ કરવો પડે છે .
ગુણોને ટકાવવા વિશેષ પુરુષાર્થ કરવો પડે છે .
ગુણોને વધારવા સવિશેષ પુરુષાર્થ કરવો પડે છે .
________________
હેમ જીવન ગાથા – ૫
ગુરુ જીતમૃગાંકસૂરિની , સેવા સતત કરી
હૈયામાં અહોભાવ અને , શ્રદ્ધા નયન ભરી . ..
વ્યાખ્યાનમાં વિહારમાં , જપમાં ક્રિયા મહીં
ગુરુને કોઈ તકલીફ એ , નડવા જ દે નહીં
શાતા અને શાંતિ વધે , એવી વર્તણૂક ધરી
હૈયામાં અહોભાવ અને શ્રદ્ધા નયન ભરી .૧
એક ઘોર રોગ આવ્યો , ગુરુને સતાવવા
ઉપચાર સર્વ શિષ્ય જન , કરતા નવાનવા
નીંદર ભૂલીને હેમે પણ , કરી ખૂબ ચાકરી
હૈયામાં અહોભાવ અને શ્રદ્ધા નયન ભરી . ૨
અંતિમ સમય ગુરુનો , આવ્યો હતો અરે
શ્રી હેમમુખે રામના , પત્રનું શ્રવણ કરે
લે અલવિદા ગુરુ પરમ , સમતા ઉરે વરી
હૈયામાં અહોભાવ અને , શ્રદ્ધા નયન ભરી . ૩
સૂના થયા’તા જીવન , ગુરુની વિદાયથી
અટકી પડ્યો જીવન રથ , ખોવાયો’તો સારથી
જે જાય છે તેઓ કદી , મળતા નથી ફરી
હૈયામાં અહોભાવ અને , શ્રદ્ધા નયન ભરી .૪
( यूं जिंदगी की राह में )
શ્રી હેમ યાત્રા – ૫
પરમોપકારી ગુરુદેવ પૂ.આ શ્રીમદ વિજય જીતમૃગાંક સૂરીશ્વરજી મહારાજા વિ . સં . ૨૦૩૨ ફાગણ ……ના દિવસે સમાધિપૂર્વક કાળધર્મ પામ્યા .
શ્રી હેમ પ્રેરણા – ૫
ગુરુ પ્રત્યે ઉત્કૃષ્ટ અહોભાવ રાખવો જોઈએ . ગુરુની વેયાવચ્ચમાં પરમ આનંદનો અનુભવ થવો જોઈએ .
_________________
હેમ જીવન ગાથા . ૬
રામચન્દ્ર ગુરુ પત્ર લખીને હેમને પાસે બોલાવે
દાદાગુરુદેવ મોટા કામો પ્રશિષ્યને પકડાવે
હેમ સંભાળે છે પત્ર વ્યવહારને
હેમ ઉંચકી લે છે સહસા મોટા મોટા ભારને
રામચન્દ્ર ગુરુ પત્ર લખીને હેમને પાસે બોલાવે . ૧
હેમ વ્યાખ્યાન લખે હેમ પૂછે સવાલ
હેમ વાચનાઓ ઉતારે હેમ ભક્તિ કરે ત્રિકાલ
રામચન્દ્ર ગુરુ પત્ર લખીને હેમને પાસે બોલાવે . ૨
હેમ કાર્યે કુશળ હેમ શાસ્ત્રે કુશળ
હેમ અનુભવમાં કુશળ છે હેમ પ્રતિભા છે વિમળ
રામચન્દ્ર ગુરુ પત્ર લખીને હેમને પાસે બોલાવે . ૩
રામ મહોદય હેમ , એમ ત્રણેય દેખાય
સંચાલન થાય સુંદર , સન્માન આપે સમુદાય
રામચન્દ્ર ગુરુ પત્ર લખીને હેમને પાસે બોલાવે . ૪
( ખ્વાબ હો તુમ યા કોઈ )
હેમ યાત્રા – ૬
પૂજ્યપાદ દાદાગુરુદેવ શ્રીરામચંદ્ર સૂરીશ્વરજી મહારાજાએ સામે ચાલીને પત્ર લખી , શ્રી હેમભૂષણવિજયજી મ.ને પોતાની પાસે રહેવા માટે બોલાવી લીધા તેમ જ મોટીમોટી જવાબદારી સોપી દીધી .
હેમ પ્રેરણા – ૬
પોતાની શક્તિનો સત્કાર્યોમા એવો શ્રેષ્ઠ વિનિયોગ કરો કે વડીલો પણ પોતાના કઠિન કાર્યો તમને સોંપવામાં રાજીપો અનુભવે .
___________________
હેમ જીવન ગાથા . ૭
રામચંદ્ર લે છે વિદાય હવે સમુદાય થાય અસહાય હવે
હવે શું થશે દિન કેમ જશે કંઈ પણ નહીં સમજાય હવે . ૧
સૂરજ હતો મહાદીપ્તિમાન અજવાળતો હતો આસમાન
અંધકાર પથ પથરાય હવે સમુદાય થાય અસહાય હવે . ૨
મહોદયગુરુ ગચ્છ પતિ બને વાત્સલ્યમય અનુશાસને
અને હેમ યુવરાજ થાય હવે સમુદાય નથી અસહાય હવે . ૩
રાજ તિલક ગુરુનો રા હતો મહોદય ગુરુનો મ હતો
રામ રાજ્ય ફરી સોહાય હવે સમુદાય નથી અસહાય હવે . ૪
( વો નહી મિલા તો મલાલ ક્યાં ? )
હેમ યાત્રા – ૭
વિ.સં.૨૦૪૭ અષાઢ વદ ચૌદસે , દાદા ગુરુદેવ પરમ સમાધિપૂર્વક સ્વર્ગવાસ પામ્યા .
હેમ પ્રેરણા – ૭
મોટી જવાબદારી સ્વીકારવા માટે હિમ્મત કેળવવી જોઈએ . મોટી જવાબદારી પાર પાડવા માટે સાચી લગન કેળવવી જોઈએ .
——————-
હેમ જીવન ગાથા . ૮
જુએ રાજ મહોદય
હેમની સુભક્તિ હેમની સુશક્તિ
હરખે અપાર ગુરુજન હરખે અપાર
હેમ સંભાળે સંચાલન , ઝેર પી લે જાણી જાણી
હેમ ધીમું ધીમું બોલે , હૃદયને સ્પર્શ કરે વાણી
કડવું ન બોલે એની
મધુર છે અભિવ્યક્તિ મધુર છે અભિવ્યક્તિ
હરખે અપાર ગુરુજન હરખે અપાર . ૧
હેમ માન નહીં માંગે , હેમ માંગે શાસનનાં કામ
હેમ ઉર્જાવાન સદાય , હેમને ગમતો નથી આરામ
સમુદાય અનુમોદે છે
હેમની અનાસક્તિ હેમની અનાસક્તિ
હરખે અપાર ગુરુજન હરખે અપાર . ૨
રાજ મહોદય જણાવે છે કે તમે સૂરિપદ સ્વીકારો
હેમ કહે આપો નહીં પદ એ મારી વિનતી અવધારો
અવધૂત સેવાયોગીની
ગજબ છે વિરક્તિ ગજબ છે વિરક્તિ
હરખે અપાર ગુરુજન હરખે અપાર . ૩
હવે સૂરિવર દે આદેશ કે પદવી નક્કી જ આપીશું
સૂરિરામની ઇચ્છાનુસાર આચાર્ય પદ પર થાપીશું
આંખોમાં આંસુ લાવી
હેમ કહે તહત્તી હેમ કહે તહત્તી
હરખે અપાર ગુરુજન હરખે અપાર . ૪
( સો સાલ પહલે હમે તુમ સે )
હેમ યાત્રા – ૮
તપસ્વિસમ્રાટ્ પૂ.આ.શ્રીમદ્ વિજય રાજતિલક સૂરીશ્વરજી મહારાજાએ , સુવિશાલ ગચ્છાધિપતિ પૂ.આ.શ્રીમદ્ વિજય મહોદય સૂરીશ્વરજી મહારાજાએ આચાર્યપદ લેવા જણાવ્યું . શ્રી હેમભૂષણવિજયજી મ.એ વિનયપૂર્વક ના જણાવી દીધી . તો ઉભય સૂરિ ભગવંતોએ કડક આદેશ કરીને આચાર્યપદનું મુહૂર્ત
જાહેર કરી દીધું .
હેમ પ્રેરણા – ૮
મહત્ત્વાકાંક્ષા રાખવાથી સાધના કમજોર પડે છે . નિર્લેપભાવ રાખવાથી સાધના બળવાન બને છે .
————–
હેમ જીવન ગાથા . ૯
જેના હૃદયમાં ગુરુ વસે છે તેહ શિષ્યને ધન્ય છે
જે ગુરુઓના હૈયે વસે તે શિષ્યને અતિ ધન્ય છે
ગુરુ રાજ મહોદય પૂર્ણ વત્સલભાવથી આદેશ કરે
બગવાડા તીર્થે હેમભૂષણ ગુરુ સૂરિપદવી વરે . ૧
ગુરુ દાદાગુરુ મહોદયગુરુની ભક્તિ ખૂબ કરી હતી
સઘળાય વડીલોની નજર ગુરુ હેમ ઉપર ઠરી હતી
ખુદની અનિચ્છા હતી છતાં ગુરુ આજ્ઞાને શિર પર ધરે
બગવાડા તીર્થે હેમભૂષણ ગુરુ સૂરિપદવી વરે . ૨
નાના આ સુંદર ગામમાં જાણે બની નગરી નવી
શમિયાણો મોટો બાંધ્યો સંઘે પત્રિકાઓ પાઠવી
મહા સુદ આઠમના દિને ભક્તો હજારો ઉભરે
બગવાડા તીર્થે હેમભૂષણ ગુરુ સૂરિપદવી વરે . ૩
ચૌમુખજી ભગવાન ઊંચા મંચ પર શોભતા હતા
શ્રીચંદ્રગુપ્તમુનિના સંગે હેમગુરુ ક્રિયારત થતા
સમુદાય મોટો શ્રમણ શ્રમણીનો ધવલતા પાથરે
બગવાડા તીર્થે હેમભૂષણ ગુરુ સૂરિપદવી વરે . ૪
છ છ આચાર્યની નિશ્રામાં મંગલ ક્રિયા જે ચાલતી
ઉત્સુક નયનથી ભવિક જનતા ક્ષણે ક્ષણ તે નિહાળતી
આચાર્ય હેમભૂષણ સૂરિજી નામ ગુરુ ઘોષિત કરે
બગવાડા તીર્થે હેમભૂષણ ગુરુ સૂરિપદવી વરે . ૫
હવે ગચ્છનાયક આદિ શ્રમણો પાટ પરથી ઉતરે
નૂતન ઉભય આચાર્ય પાટ ઉપર હવે આસન ધરે
વડીલોનાં વંદન લેતાં લેતાં આંખથી આંસુ ઝરે
બગવાડા તીર્થે હેમભૂષણ ગુરુ સૂરિપદવી વરે . ૬
આપે પ્રદક્ષિણા ત્રણ અને ચોખાથી સંઘ વધાવે છે
મણિબા છગનભાઈ બેય હાથે અક્ષતો વરસાવે છે
શ્રી અજિતનાથ પ્રભુ કૃપાથી યશ જગતમાં વિસ્તરે .
બગવાડા તીર્થે હેમભૂષણ ગુરુ સૂરિપદવી વરે . ૭
ગુજરાતની દક્ષિણ ધરા ઇતિહાસમાં મશહૂર થઈ
શ્રી હેમગુરુના પુણ્યની વૃદ્ધિ સતત ભરપૂર થઈ
તે કાળને તે સમયને આખોય પંથક સાંભરે
બગવાડા તીર્થે હેમભૂષણ ગુરુ સૂરિપદવી વરે . ૮
( એવા પ્રભુ અરિહંતને )
હેમ યાત્રા – ૯
વિ.સં . ૨૦૫૦ મહા સુદ આઠમે શ્રી બગવાડા તીર્થે ઐતિહાસિક આચાર્ય પદવી થઈ .
હેમ પ્રેરણા – ૧૧
યાદ રાખો કે કોઈ પણ સત્કાર્ય કરવા દ્વારા માન સન્માન મેળવવાનું લક્ષ નથી રાખવાનું નથી . સત્કાર્ય કરવા દ્વારા આત્મશુદ્ધિ થાય એ જ લક્ષ રાખવાનું હોય .
—————
હેમ જીવન ગાથા . ૧૦
સમયને કોઈ રોકી શકે ના , સુખ દુઃખ આવે જાય
સમય વહેતી ધારા કહેવાય
ધાર્યું હોય તે થાય નહીં અને , અણધાર્યું પણ થાય
સમય વહેતી ધારા કહેવાય
વિદાય પામે ગચ્છના નાયક , આચારજ શ્રી મહોદય સૂરિવર
કોણ સંભાળે ગચ્છની ધુરા , પ્રશ્ન રમે આ સૌનાં મુખ પર
સર્વ વ્યવસ્થા સાચવી રાખે હેમભૂષણ સૂરિરાય
સમય વહેતી ધારા કહેવાય . ૧
પંદર વડીલો સાથે મળીને મોટો નિર્ણય એક કરે છે
હેમને ગચ્છપતિ પદ દઈએ વિચાર સૌનો એક ઠરે છે
સુરત નગરે મંગલ દિવસે એની જાહેરાત થાય
સમય વહેતી ધારા કહેવાય . ૨
( દેખ તેરે સંસાર કી હાલત )
હેમયાત્રા ૧૦
વિ.સં .૨૦૫૯ વૈશાખ સુદ પાંચમે , વડીલોએ અને મોભી શ્રાવકોએ નિર્ણય લીધો કે – શ્રી હેમભૂષણસૂરિજી મહારાજાને શુભમુહૂર્તે , ગચ્છાધિપતિ પદ પર બિરાજમાન કરવાના છે .
હેમ પ્રેરણા ૧૦
તમે સૌનું કલ્યાણ ઈચ્છતા રહેજો . કલ્યાણની કામના થકી ઉત્કૃષ્ટ આત્મબળનું નિર્માણ થાય છે .
———
———
હેમ જીવન ગાથા . ૧૨
તીર્થંકર સમ હોય છે સૂરિ , મોક્ષ મારગ શિરતાજ
જૈન શાસનના સુકાની સોહે , હેમભૂષણ સૂરિરાજ
ગુરુવર વંદન તમને , આશીર્વાદ આપો અમને . ૧
પ્રભુની ભક્તિ ગુરુની શ્રદ્ધા , શાસ્ત્રની નિષ્ઠા અપાર
માન અપમાનમાં સમ ચિત્ત , વિરોધી પ્રત્યે ઉદાર
ગાંઠ રાખે નહીં મનમાં , વૈર ભાવ નહીં જીવનમાં . ૨
સર્વ સમુદાય સાથે સંબંધ , આત્મીય ભાવે રાખે
યોગ્ય સમય પર યોગ્ય સ્વરૂપે , સાચા વચનને ભાખે
આજ્ઞાનો વિલોપ ન થાય , એનું પૂરું ધ્યાન રખાય . ૩
ઉપકારીના ઉપકાર સમરે , ભૂલે ન કલ્યાણ મિત્ર
આશ્રિતગણની સંભાળ રાખે , મનવચકાય પવિત્ર
ઘણી મોટી હતી પુણ્યાઈ , વાણીમાં દીપતી સચ્ચાઈ . ૪
જનમદાતા માતાને દે , દીક્ષા શિવસુખકાર
મણિબા બન્યા મોક્ષમાલાશ્રી , પામ્યા આત્મોદ્ધાર
ઘટના હતી અતિ ખાસ , રચાયો અનોખો ઈતિહાસ . ૫
પાંચ આચાર અખંડિત પાળે , જીતે ચાર કષાય
પોતાની વાહવાહી ન ચાહે , દંભ ધરે નહીં ક્યાંય
શાસન અને સમુદાય , એની ચિંતા કરે સદાય . ૬
( આંધળી માનો કાગળ )
હેમયાત્રા ૧૨
+ સર્વ સમુદાય સાથે આત્મીયતા બનાવી તેને લીધે , પરમ શ્રદ્ધેય ગચ્છાધિપતિ તરીકે ખ્યાતિ પામ્યા .
+ વિ.સં. ૨૦૬૩ વૈશાખ સુદ સાતમના શુભ દિવસે , માતા મણિબેનને દીક્ષા આપી . તેઓ સાધ્વી શ્રી મોક્ષમાળાશ્રીજી મ. એવું નામ પામ્યા .
હેમ પ્રેરણા ૧૨
ધર્મ માટેનો પ્રેમ , ધર્માત્મા માટેનું વાત્સલ્ય બનીને બહાર આવે છે .
———————————-
હેમ જીવન ગાથા . ૧૩
નમો હેમભૂષણ ગુરુરાય , એનો આતમ નિરમલ છે
એની સાધના ઉજ્જ્વલ છે , આરાધના ઉજ્જ્વલ છે
શાસનસેવા કાજે કાયાની ઉપેક્ષા કરી
આહાર ઉપચાર તણી ચિંતા કોઈ મન ન ધરી
મનથી એ થાકે નહીં , ઉત્તમ ઉર્જાબલ છે
એની સાધના ઉજ્જ્વલ છે , આરાધના ઉજ્જ્વલ છે . ૧
આવ્યા’તા ભયંકર રોગ , પીડા અપરંપાર હતી
પણ ચિત્તદશા એની , અવિચલ અવિકાર હતી
એનાં હૈયે સમાધિનું , પાવન અમૃતજલ છે
એની સાધના ઉજ્જ્વલ છે , આરાધના ઉજ્જ્વલ છે . ૨
શાસન માટે જીવીશ , એવો સંકલ્પ કર્યો
જીવન કે મરણનો વિચાર , એણે મનમાં ન ધર્યો
અધ્યાતમ મસ્તીમાં રમમાણ એ પલપલ છે
એની સાધના ઉજ્જ્વલ છે , આરાધના ઉજ્જ્વલ છે . ૩
કાયાનો રાગ નહીં , મનમાં કોઈ ઈચ્છા નહીં
શુભ તત્ત્વે એકાગ્ર હતા , ચિદ્ ઘનની સત્તા રહી
કર્તૃત્વનો ભાવ નથી , સાક્ષિભાવ અવિચલ છે
એની સાધના ઉજ્જ્વલ છે , આરાધના. ઉજ્જ્વલ છે . ૩
નાજુક કાયા થાકે , ધીમા પડતા જાય શ્વાસ
અરિહંત સિદ્ધ સાધુ અને ધર્મની ધરે સુવાસ
નિઃસ્પૃહદશા ભાવિત એનું મૃત્યુ મંગલ છે
એની સાધના ઉજ્જ્વલ છે , આરાધના ઉજ્જ્વલ છે . ૪
એનું સંપૂરણ જીવન , શાસનને કામ આવ્યું
વાપી સંઘના આ રતને , શાસનને શોભાવ્યું
એ ધન્ય મહાપુરુષની , દેવર્ધિ અવિચલ છે
એની સાધના ઉજ્જ્વલ છે , આરાધના ઉજ્જ્વલ છે . ૫
( સંસાર હૈ ઇક નદિયા )
હેમયાત્રા ૧૩ –
+ અનેક ઉગ્ર રોગને સમતા ભાવે સહેતા રહ્યા .
+ વિ.સં. ૨૦૬૪ જેઠ વદ સાતમ+આઠમે દિલ્હીમાં ઉત્તમ સમાધિપૂર્વક કાળધર્મ પામ્યા .
હેમ પ્રેરણા ૧૩ –
જે મન વચન કાયાથી જૈનશાસનની સેવા , પ્રભાવના અને સુરક્ષા કરે છે તે સમાધિનો સાક્ષાત્કાર પામે છે .
૧ .આંખ એની વિમળ રહી
આંખ એની વિમળ રહી સાધના ઉજ્જ્વળ રહી
હિતરૂચિ મુનિરાજની પવિત્રતા પ્રબળ રહી . ૧
જેહ આદર્શો ગમ્યા એમાં જ આજીવન રમ્યા
બાંધછોડ હું નહીં કરુંએ જાગૃતિ પળપળ રહી . ૨
માન હજમ કરી ગયા અપમાન સર્વ ગળી ગયા
હિતરૂચિ મુનિરાજની સમતા સદા અવિચળ રહી . ૩
રામનાં શરણે રહ્યા વ્રત રામના હાથે ગ્રહ્યા
એની દીક્ષાની કથા ઇતિહાસમાં ઝળહળ રહી . ૪
કેવું અજબ જોડાણ છે ગુરુ સમર્પિત પ્રાણ છે
રામની જ જનમ તિથિએ અલવિદા મંગળ રહી . ૫
આમ એ ચાલ્યા જશે એમ કોણે વિચાર્યું હશે
જેને જેને મળી ખબર તેની આંખ બેય સજળ રહી . ૬
_____________________
૨ . દરિયો થઈને જે લહેરાયા
દરિયો થઈને જે લહેરાયા એના તરંગને મળવા ચાલો
મુનિરાજ હિતરુચિ વિજયજીના સૌ સદ્ ગુણ સાંભળવા ચાલો
એ સાત્ત્વિક ચહેરો ધરતા હતા એ તાત્ત્વિક ચિંતન કરતા હતા
એ વિરાગ વનમાં વિહરતા હતા એનાં તેજ સતત પાંગરતા હતા
દુષ્કર કરણીની કથા સુણી શુભ ભાવે ખળભળવા ચાલો
મુનિરાજ હિતરુચિ વિજયજીના સૌ સદ્ ગુણ સાંભળવા ચાલો . ૧
એ કડક હતા એ અડગ હતા નિયમોને તૂટવા ના દીધા
એક ધગશ હતી એક જોશ હતું ઉર્જાબળ ખૂટવા ના દીધા
સમતા વરસી હતી દિવસ રાત એને સમરીને પલળવા ચાલો
મુનિરાજ હિતરુચિ વિજયજીના સૌ સદ્ ગુણ સાંભળવા ચાલો . ૨
નિર્ગ્રંથ શબ્દ ચરિતાર્થ હતો મહાભિક્ષુ અવસ્થા દીપી હતી
વૈરાગ્ય જ્ઞાનગર્ભિત હતો ના ધરી રતિ , ના કરી અરતિ
એક કેડી અનોખી રચી ગયા એ કેડીએ નીકળવા ચાલો
મુનિરાજ હિતરુચિ વિજયજીના સૌ સદ્ ગુણ સાંભળવા ચાલો . ૩
લોકોના લાડકવાયા હતા પણ લોકસંજ્ઞાથી દૂર રહ્યા
દુઃખ સહેવામાં શૂરવીર રહ્યા મન આનંદ રસ ભરપૂર રહ્યા
એની પરિણતિની વાતો સમરી આંખડીએ ઝળહળવા ચાલો
મુનિરાજ હિતરુચિ વિજયજીના સૌ સદ્ ગુણ સાંભળવા ચાલો . ૪
________________
૩ . મહાવિદેહના એક સુસાધુ
( વૈષ્ણવ જન તો )
મહાવિદેહના એક સુસાધુ ભરતક્ષેત્રમાં આવ્યા હતા
હિતરુચિવિજયજી નામ ધરીને અઢળક કર્મ ખપાવ્યા હતા
મેલાઘેલા કપડાં ધારે શ્રમણ દશા ઉજ્જ્વળ રાખે
સ્વાધ્યાયે રમમાણ અહોનિશ સાચ વચન સુંદર ભાખે
શાસન સંઘ અને આત્માનાં સપનાં ભવ્ય સજાવ્યા હતા
હિતરુચિવિજયજી નામ ધરીને અઢળક કર્મ ખપાવ્યા હતા .
મહાવિદેહના એક સુસાધુ ભરતક્ષેત્રમાં આવ્યા હતા . ૧
ઊંચું હતું આચારનું પાલન ઊંચા અધ્યવસાય હતા
એની પાસે બેસે એનાં મનના ભાવો સુધરી જતા
ભવિષ્યને અજવાળે એવા ધન્ય વિચારો લાવ્યા હતા
હિતરુચિવિજયજી નામ ધરીને અઢળક કર્મ ખપાવ્યા હતા .
મહાવિદેહના એક સુસાધુ ભરતક્ષેત્રમાં આવ્યા હતા . ૨
વ્રતપાલનમાં એકદમ કટ્ટર બાંધછોડ નહીં કોઈ રે
કલિકાલે દુર્લભ નિર્મલતા સૌએ એનામાં જોઈ રે
એની આંખનાં દ્વારે ક્યારેય વિષય કષાય ન આવ્યા રે
હિતરુચિવિજયજી નામ ધરીને અઢળક કર્મ ખપાવ્યા હતા .
મહાવિદેહના એક સુસાધુ ભરતક્ષેત્રમાં આવ્યા હતા . ૩
એવું નથી કે પુણ્ય નહોતું પુણ્ય તો એનું ભરપૂર હતું
પુણ્યની ઉપર કેન્દ્રિત જીવન એને નામંજૂર હતું
ક્ષયોપશમના રસિયા જીવને આડંબર નહીં ફાવ્યા હતા
હિતરુચિવિજયજી નામ ધરીને અઢળક કર્મ ખપાવ્યા હતા .
મહાવિદેહના એક સુસાધુ ભરતક્ષેત્રમાં આવ્યા હતા . ૪
રામચંદ્ર સૂરિરાજના અંતિમ શિષ્ય હતા એ ધનભાગી
તેજસ્વી આભા હતી એની મનવચકાયા વૈરાગી
લાખો જનોનાં હૈયામાં એણે અખંડ દીપ જગાવ્યા હતા
હિતરુચિવિજયજી નામ ધરીને અઢળક કર્મ ખપાવ્યા હતા .
મહાવિદેહના એક સુસાધુ ભરતક્ષેત્રમાં આવ્યા હતા . ૫
૧ . ઋજુવાલિકા આવો
કૈવલ્ય ભૂમિ વીરની , જુહારવા આવો
ઋજુવાલિકા આવો , નંદપ્રભા આવો
સ્પંદન્ પ્રભુ વીરના અહીં , કણકણમાં રહે છે
ખળખળ નદીનાં નીરમાં , ઈતિહાસ વહે છે
ભગવંતનો મહિમા સદા , સાક્ષાત્ અચળ છે
જે સ્પર્શના પામે એનો , અવતાર સફળ છે
આ તીર્થમાં નિજ આતમાને , તારવા આવો
ઋજુવાલિકા આવો , નંદપ્રભા આવો . ૧
ગોદોહિકા આસન ધરી , બેઠા હતા અહીં
ઢળતી બપોરે ધ્યાનની , ધારા ગજબ વહી
એક શાલિવૃક્ષની નીચે , દીપતી હતી કાયા
તડકો હતો કૂણો અને લાંબી હતી છાયા ,
તે કાળને તે સમયને મન ધારવા આવો
ઋજુવાલિકા આવો , નંદપ્રભા આવો . ૨
સાડાબાર વરસે વીરને , કૈવલ્ય મળ્યું’તું
વૈશાખ સુદ દશમ દિને , વ્રત – તપ એ ફળ્યું’તું
જાગી ઊઠ્યો જાણે અહીંથી , જગનો તારણહાર
સોનેરી કમળ , સમવસરણ બન્યાં પ્રથમ વાર
કરી મંત્ર – જાપ મોહ મમતા મારવા આવો
ઋજુવાલિકા આવો , નંદપ્રભા આવો . ૩
મહાજ્ઞાનની આ ધરતી પર ધબકે છે વીરનો નાદ
રમણીય રચાયો છે અહીં ચૌમુખી પ્રાસાદ
પ્રભુએ અતિ ઉજ્જ્વલ ધર્યું’તું જેવું શુક્લધ્યાન
એવી ધવલતા ધારે સંગેમરમરી પાષાણ
મહાતીર્થની દેવર્ધિને સત્કારવા આવો
ઋજુવાલિકા આવો , નંદપ્રભા આવો . ૪
__________________________
२ . क्यां मैं बोलूं
मेरी बातें क्यों न सुने तूं ये है मेरा सवाल
तेरी बातें क्यों न मैं मानूं ये है तेरा सवाल रे
क्या मैं बोलूं , तूं ही संभाल …..
तेरी बात का मरम न समझूं ऐसो री मैं अज्ञानी
कुछ ना किया है मैंने फिर भी बनता फिरूँ अभिमानी
इस प्यासे को तूं जल दे तकदीर तूं मेरी बदल दे
क्या मैं बोलूं , क्या मैं बोलूं , सब तूं ही संभाल . १
बंज़र पथ पर कैसे चलूं मैं मुझ को चलना सिखा दे
खुशबू खुशबू चंदन जैसा मुझ को जलना सिखा दे
मेरी बाजी तूंही संभाले मेरा सबकुछ तेरे हवाले
क्या मैं बोलूं , क्या मैं बोलूं , सब तूं ही संभाल . २
_________________
૩ . ઝાલી લીધો છે તારો હાથ
( ગોરી રાધા ને કાળો શ્યામ )
( દોહો )
મનગમતા ઓ સાહિબા તું સાંભળ મારી વાત
તું જ સોનેરી દિવસ છે તું જ રઢિયાળી રાત
( મુખડું )
ઝાલી લીધો છે તારો હાથ જનમોજનમનો સાથ
તું જ મારી પ્રીત છે તું જ મારું ગીત છે
વહાલો છે તારો આ સંગાથ
તું જ મારી પ્રીત છે તું જ મારું ગીત છે
મારો છે એક તું જ નાથ
ઝાલી લીધો છે તારો હાથ જનમોજનમનો સાથ
( આંતરું )
રાખી લે તારી પાસે મોકલ મા તું દૂરે , મારા પર તારો અધિકાર રે
તારા દરબારે નાચું રંગે સંગે રાચું સદા રણઝણે તારાં નામે તાર રે
રાખી લે તારી પાસે મોકલ મા તું દૂરે મારા પર તારો અધિકાર રે
તારા દરબારે નાચું રંગે સંગે રાચું સદા રણઝણે તારાં નામે તાર રે
રૂપાળી મૂરતિ જોઈ ધન્ય થાઉં …
તારી રે પ્રીતમાં નંદપ્રભાની ખીલી રાત
ઝાલી લીધો છે તારો હાથ જનમોજનમનો સાથ
ઝાલી લીધો છે તારો હાથ જનમોજનમનો સાથ
તું જ મારી પ્રીત છે તું જ મારું ગીત છે
વહાલો છે તારો આ સંગાથ…..
તું જ મારી પ્રીત છે તું જ મારું ગીત છે
મારો છે એક તું જ નાથ
——–
( દોહા )
હો સાહેબ……
વાગે વાગે છે વાજીંતર ગાજે ગાજે જયકારા
ઝૂલે ઝૂલે ચામર ધોળા ગરજે ગગને ઢમકારા ..
ખનખનખન ખેલે મંજીરા ટનટનટન ઘંટા વાગે
તીર્થંકર ભગવંતનાં નામે દેવર્ધિ દીવડા જાગે
____________________
૪ . તમે શક્તિ આપો
( લાડલી )
વરસાવો મીઠા પાણી , સાંભળો મારી વાણી
મારાં મેલાઘેલા મનને , કરો સાફ …
ભૂલ હું માનું છું મારી , વાત ન માની તમારી
મારા ગુનાઓ છે અપાર , કરો માફ …
તમે શક્તિ આપો તમે શક્તિ આપો
તમે શક્તિ આપો હું છું તમારો બાળ …
તમે શક્તિ આપો તમે શક્તિ આપો
તમે શક્તિ આપો હું છું તમારો બાળ …
——————
(હે મારા સાહેબા રે )
કાલાવાલા હું કરું તો બીજા કોની પાસે કરું …..
કાલાવાલા હું કરું તો બીજા કોની પાસે કરું …..
તમે જ છો મારી મા તમે જ છો બાપ ….
તમે જ છો મારી મા તમે જ છો બાપ ….
બાંધી છે મેં પ્રીતડી એ હો પ્રભુ…..
બાંધી છે મેં પ્રીતડી એ સોના જેવી સાચી રે
રાતદિવસ કરું સાહેબ સાહેબ જાપ…
મને શક્તિ આપો સાહેબજી મને શક્તિ આપો સાહેબજી
મને શક્તિ આપો સાહેબજી બસ હું છું તમારો બાળ …
મને શક્તિ આપો સાહેબજી તમે લેજોજી મારી સંભાળ
————-
દયાળુ તમે….
દયાળુ તમે….
નાનકડી વાત યાદ રાખજો…
મને શક્તિ આપો પ્રભુજી તમે શક્તિ આપો
ભક્તિની રીત મારી ભલે કમજોર રહી
મારા દુખડા કાપો તમે નિજ સંગે થાપો
મુજને સ્થાન આપો તવ ચરણો મહીં
મને ભવે ભવે રહેવું છે તુજ સંગ
ભવે ભવે રહેવું છે તુજ સંગ
મન રંગાયું ભીંજાયું એક તમારે રંગ….
હૈયે ઉછળે દરિયા જેવા તરંગ
આ નાતો સાહિબા રાખજોજી અભંગ
તમે શક્તિ આપો તમે શક્તિ આપો
તમે શક્તિ આપો હું છું તમારો બાળ …
——————
ખમ્મા ઘણી પ્રભુ ખમ્મા ઘણી
મારા સાહેબજીને ખમ્મા ઘણી
ખમ્મા ઘણી પ્રભુ ખમ્મા ઘણી
મારા સાહેબજીને ઘણી ખમ્મા. ….
ખમ્મા ઘણી પ્રભુ ખમ્મા ઘણી
મારા સાહેબજીને ખમ્મા ઘણી
ખમ્મા ઘણી પ્રભુ ખમ્મા ઘણી
મારા સાહેબજીને ઘણી ખમ્મા
———
હે …..
નંદપ્રભા દરબારમાં દેવર્ધિ ભરપૂર ,
હૈયામાં આનંદના ઉભરે ઉજળા પૂર
_____________________________
૫ . સોળ સોળ શણગાર સજીને
સોળ સોળ શણગાર સજીને ત્રિશલાદેવી આવ્યા રે
સિદ્ધારથ રાજાના મહેલે તીર્થંકરને લાવ્યા રે . ૧
કપાળ પર બિંદી આંકી એ સર્વ પ્રથમ શણગાર હતો
સેંથીમાં સિંદૂર ભર્યું એ બીજો શુભ શણગાર હતો
આંખોમાં કાજલ આંજ્યું એ ત્રીજો સરસ શણગાર હતો
મહેંદી લગાવી બે હાથોને એ ચોથો શણગાર હતો
જાણે એનો આત્મા પ્રભુને વધાવવા તૈયાર હતો
નાજુક નાજુક આંખોમાં સપનાઓ ચૌદ સમાવ્યા રે
સોળ સોળ શણગાર સજીને ત્રિશલાદેવી આવ્યા રે . ૧
લાલ જરીઅન ઓઢણી પહેરી એ પંચમ શણગાર હતો
વેણીમાં ગજરો ગૂંથાયો એ છઠ્ઠો શણગાર હતો
સુવર્ણ ટીકો માંગમાં મૂક્યો એ સપ્તમ શણગાર હતો
નથણી નમણા નાકે ઝૂલે એ અષ્ટમ શણગાર હતો
જગતની માતા બનવા માટે સર્જાયો અવતાર હતો
ચોથા આરામાં પણ એણે કલ્પવૃક્ષ નિપજાવ્યા રે
સોળ સોળ શણગાર સજીને ત્રિશલાદેવી આવ્યા રે . ૨
કર્ણફૂલ કાને લટકાવ્યા એ નવમો શણગાર હતો
હાર મનોહર કંઠ બિરાજ્યો એ દશમો શણગાર હતો
બાજુબંદ ધર્યા સોનેરી અગિયારમો શણગાર હતો
સુંદર સુંદર બંગડી હાથે એ બારમો શણગાર હતો
પ્રભુમાતા બનવાનો એનો એકમાત્ર અધિકાર હતો
લાખો કરોડો દેવદેવીને મહારાણી મન ભાવ્યા રે
સોળ સોળ શણગાર સજીને ત્રિશલાદેવી આવ્યા રે . ૩
રત્નજડિત વીંટીઓ પહેરી એ તેરમો શણગાર હતો
મૂલ્યવંત કટિબંધ ધરે છે ચૌદમો એ શણગાર હતો
પગમાં આંગળિયે અંગૂઠી પંદરમો શણગાર હતો
ઝીણી ઘુઘરીવાળા પાયલ એ સોળમો શણગાર હતો
પરમાતમનો પિંડ ઘડી દે એવો પુણ્ય પ્રકાર હતો
સોળમી સાલગીરીના પડઘમ નંદપ્રભામાં બજાવ્યા રે
સોળ સોળ શણગાર સજીને ત્રિશલાદેવી આવ્યા રે . ૪
___________________
૬ . જીવંત જીવંત આંખ
જીવંત જીવંત આંખ છે પ્રભુની .
જીવંત જીવંત આંખ છે પ્રભુની .
જીવંત જીવંત આંખ છે પ્રભુની .
જીવંત જીવંત આંખ છે પ્રભુની .
જીવંત જીવંત આંખ .
———
આંખમાં વહાલ છે . આંખ-માં , કમાલ છે .
આંખ અમૃત ઝરે . આંખમાં સુખ .
આંખમાં રસ . આંખમાં તેજ છે .
આંખ જાદુ કરે ….
આંખમાં વહાલ છે . આંખ-માં , કમાલ છે
———
આંખમાં શાંતતાની દિવ્ય ઝલક છે
પૂરણ પ્રેમની પાંખ છે પ્રભુની
જીવંત જીવંત આંખ .
——-
આંખો બોલે છે મારા અણુ અણુને જગાડે છે
આંખો ચમકે છે તમસને એ ભગાડે છે
મારા તમસને એ ભગાડે છે
આંખોમાં શક્તિ અનંત છે
જય નંદપ્રભા , ભગવંત છે
ભગવંત છે, ભગવંત છે
આંખમાં વહાલ છે .
આંખ-માં , કમાલ છે
—-
આંખને જોઈજોઈ હરખે દેવર્ધિ , સકલ સિદ્ધિની સાખ
છે પ્રભુની જીવંત જીવંત આંખ
આંખમાં વહાલ છે . આંખ-માં , કમાલ છે .
આંખ અમૃત ઝરે . આંખમાં સુખ .
આંખમાં રસ . આંખમાં તેજ છે .
આંખ જાદુ કરે , આંખમાં વહાલ છે .
આંખ-માં , કમાલ છે
___________
૭ . સાહેબનો મહિમા ભારી
રમે રોમ રોમ , નમે રોમ રોમ , અરિહંત આતમ આધાર
એનાં નામની આગળ બોલું ઓમ મળે ઊર્જા અપરંપાર
સાહેબનો મહિમા ભારી સાહેબની છે બલિહારી
મારા સાહેબ છે જયકારી મારા સાહેબ છે મનહારી . ૧
પ્રભુ તેજ તેજ અંબાર ધરે શ્રી નંદપ્રભા મહારાજ
રૂપ રંગ અદભુત અહો ત્રણ ભુવન શિરતાજ
સાહેબનો મહિમા ભારી . ૨
સાહેબો મારા સંગે પલપલ રહે છે
સાહેબના નામે ધારા અખંડ વહે છે
સાહેબ અનંત ઉપકાર સાહેબ હૈયાનો હાર
શુભ ધ્યાન પ્રણિધાન , સાહેબજી મુજને આપે
ભગવાન ગુણગાન , કરનારના દુખડા કાપે
સાહેબનો મહિમા ભારી સાહેબની છે બલિહારી . ૩
મીઠું મીઠું મલકાતું મુખડું ગમે છે
પદ્મ આસન મુદ્રા હૈયે રમે છે
આંખોનું તેજ અપાર રમણીય રૂપ ઉદાર
એ અજર અમર એ ગગન શિખર એ દેવોના અધિદેવ
ધરે પરમ પ્રેમ કરે સાચી રહેમ देवर्धि છે એકમેવ
સાહેબનો મહિમા ભારી સાહેબની છે બલિહારી . ૪
__________________________
૮ . સાંજસવારે દીવો ધરું
સાંજસવારે દીવો ધરું , તારા દ્વારે
તારી રે લગની લાગી, તું વહાલો લાગે ,
વીર પ્રભુજી , વીતરાગી
મધુર મધુર મુદ્રા છે મનહારી
સુંદર તું સુખકર તું ગુણકારી
કોડિયામાં તેજ ભરું , તારા દ્વારે ..
વહાલો લાગે , વીર પ્રભુ જી , વીતરાગી . ૧
ખોલજે મારા ચિત્તની આ બંધ બારી ,
મારા ચેતનને ચાંપજે ચિનગારી ,
નાના નાના કામ કરું , તારા દ્વારે …
વહાલો લાગે , વીર પ્રભુજી , વીતરાગી . ૨
આટલું જ માંગુ છું પ્રભુ પાસે ,
રાખજે કાયમ તારા સહવાસે ,
નંદપ્રભા નામે તરું , તારા દ્વારે
વહાલો લાગે , વીર પ્રભુ જી , વીતરાગી . ૩
_________________
૯ . મારી અરજી સ્વીકારો
સુખ સમાધિનું કેવું હોય એ હું ના જાણું ,
ભક્તિની શુભ ક્ષણે આનંદ પરમ હું માણું ,
પ્રભુ સાથેનો સમય ચેતનાને જગાડે છે ,
નંદપ્રભા નાથજી અનહદની બંસરી વગાડે છે ,
મારી અરજી સ્વીકારો જગનાથ રે જગનાથ રે
તમે કાયમ , રહેજો સંગાથ રે
હો સાહિબા મુજને સંભાળજો રે સાહેબ
તમે જ છો ભાગ્યવિધાતા તમે જ છો શક્તિ દાતા
તમે જ મારા , સાચા સ્વામી તમે પ્રભુ અંતર્યામી
તમે પૂરા આતમરામી …મારી અરજી સ્વીકારો . ૧
એટલું બધું તમે આપી દીધું કે એની ગણના કંઈ થઈ ન શકે
ભરીભરીને તમે આપ્યું છે જેવું એવું બીજા કોઈ દઈ ન શકે
તમે ના છોડજો મારો હાથ રે હાથ રે
તમે કાયમ રહેજો સંગાથ રે મારી અરજી સ્વીકારો . 2
______________________
૧૦ . પ્રાર્થના નાથ સાંભળશે
એક પરમ દશા , અંતિમ સમયે મળશે ,
પ્રાર્થના નાથ સાંભળશે .
મુજને કાને ઘંટનાદ સંભળાશે જે તુજ મંદિરમાં ચાલે
મુજ આંખોમાં રૂપ તારું રેલાશે હર્ષાશ્રુ વહેશે ગાલે
ફૂલ કેસરની સુગંધ આવશે શ્વાસે જાણે ભક્તિ હવામાં મહાલે
તું સંગ હશે એવો છે વિશ્વાસ એવું સપનું છે મારું ખાસ
તું રમશે પ્રભુ મારાં મનમાંહીં તુજ નામ હશે સ્પંદનમાંહીં
તું વસશે સંવેદનમાંહીં ,
એક અનુભૂતિ ઊંડે ઊંડે ઉઘડશે .
પ્રાર્થના નાથ સાંભળશે . ૧
હું યાદ કરીશ સઘળી તીરથ યાત્રા જે મેં જીવનમાં કીધી
હું યાદ કરીશ ક્રિયા તપસ્યા ભક્તિ જે જે મેં આચરી લીધી
હું યાદ કરીશ જિનવાણી સુખાકારી જે મેં ઘૂંટડે ઘૂંટડે પીધી
હું યાદ કરીશ દોષ અને અપરાધ મને પસ્તાવો થશે અગાધ
મન સુકૃત અનુમોદન કરશે દુષ્કૃતની ગર્હા મન કરશે
સૌ સાથે ક્ષમાયાચન કરશે
નવકાર શ્રવણ કરતાં આંખો ઢળશે
પ્રાર્થના નાથ સાંભળશે . ૨
જીવ નવો જનમ મહાવિદેહમાં લહેશે થશે સીમંધર જિન દર્શન
દીક્ષા મળશે આઠ વરસની વયમાં , થશે પંચમહાવ્રત પાલન
નવમા વરસે કેવળ જ્ઞાન સાંપડશે વીતરાગ દશા મહાપાવન
આતમ થાશે આનંદઘન અણસાર , અવિકાર અને અકષાયી અવતાર
છેવટે ભવભ્રમણનો અંત થશે , મારો આતમરામ જ્વલંત થશે
મારી સિદ્ધદશા જયવંત થશે
દેવર્ધિ અનંત ઉર્જા સહજ ઉછળશે
પ્રાર્થના નાથ સાંભળશે . ૩
______________
૧૧ . સાધના સદન
સદ્ ધર્મની મંગલભૂમિ, રત્નત્રયનું શુભ આલંબન
સાધના સદન , સાધના સદન
વ્રતપાલકનો આવાસ , જિનવચન કરે સંચાલન
સાધના સદન , સાધના સદન
ના સાંસારિકતા ચાલે કે ના વિરાધના કોઈ ચાલે
આજ્ઞા – આત્મા – આચાર આ ત્રણમાં તન મન અવિરત મહાલે
સ્વાધ્યાયનું સાચું તીર્થ પાંચ સમિતિનું પાકું પાલન
સાધના સદન , સાધના સદન….. ૧
આચાર્યોનું ઉપાધ્યાયનું સાધુઓનું ઊર્જાબળ
કણકણમાં આવી વસશે વાયુમંડળ થાશે ઉજ્જ્વળ
દિવસે શુદ્ધ ક્રિયા રાતે હોય યોગનિદ્રાનું સ્પંદન
સાધના સદન , સાધના સદન…..૨
સંસારને જે ઉપયોગી બને તે અધિકરણ કહેવાય
સાધનાને જે ઉપયોગી બને તે ઉપકરણ કહેવાય
ઉપકરણનું આલિશાન ભવન શ્રી નંદપ્રભાનું સર્જન
સાધના સદન , સાધના સદન . ૩
_______
૧૨ . पल पल तूंही
पल पल तूंही , रहे मोरे मन में
हलचल और न कोई चंचलता चल गई मोरे मन से
चंचलता चल गई मोरे मन से तुज संग सूधबूध खोई
पल पल तूंही , रहे मोरे मन में
भूख न लागे , प्यास न जागे मन भी कुछ ना मांगे
अंखिया मेरी खोल दी तूंने जग ये अनोखा लागे
पल पल तूंही . १
धन है पराया ये तन है पराया : अपना एक आतमजी
तुज से ही आतमरति जागी
नंदप्रभा के प्रीतमजी देवर्धि दो प्रीतमजी . २
___________
१३ . ध्वजा गगन में
ध्वजा गगन में चंचल खेले
शुभकारी है री ध्वजा का दरशन जी
बारों मास का सत संग पायो
धन धन है री जीवन पावन जी ध्वजा गगन में . १
प्रभु मस्तक पर छत्र रचावत
पवन संग में री करत नर्तन जी ध्वजा गगन में . २
दूर दूर से दिखती मनोहर
नंदप्रभा में री मंगल गुंजनजी ध्वजा गगन में . ३
——-
१४ . आज आनंद अपार
आज आनंद अपार प्रसन्न मन
आज आनंद अपार प्रसन्न मन
घट घट में उद्योत हुआ है
अदभुत अनुभव बहोत हुआ है
पायो प्रभु दीदार प्रसन्न मन .
आज आनंद अपार प्रसन्न मन . १
आसमान अमरत बरसाए
मस्त सुगंधित बहती हवाए
दूर दूर कही कोयल गाए
फूल हज़ारो रंग सजाए
सृष्टि करत सतकार प्रसन्न मन .
आज आनंद अपार प्रसन्न मन . २
नंदप्रभा में वाजिंत्र वादन
कंठ सुगायन , थेई थेई नर्तन
भक्ति कें तीन प्रकार प्रसन्न मन
आज आनंद अपार प्रसन्न मन . ३
—————-
Adding more …….
ભાયાણી પરિવાર ધાર્મિક હતો . વૈષ્ણવ પરંપરા . નાની હવેલી અને મોટી હવેલીએ જવાનું એટલે જવાનું જ . શ્રીનાથજી , જમનાજી , રાધાજીનાં દર્શન વગર કોઈને ન ચાલે . શ્રી કૃષ્ણઃ શરણં મમ-ની માળા સૌ ગણે . જલારામ બાપા પર ખૂબ આસ્થા . આળંદી અને વિઠ્ઠલવાડીની યાત્રાઓ ચાલતી જ હોય . નવરાત્રિમાં નાચવા જવાનું . ગણપતિમાં રાતે ફરવા જવાનું . દીવાળીએ ફટાકડા ફોડવાના . ઘરમાં રામાયણ , મહાભારત , ભાગવતનું વાંચન થતું . રામચંદ્રજી ડોંગરે , મોરારિબાપુ , આઠવલેજી જેવા વરિષ્ઠ કથાકારોનો સત્સંગ કરવામાં ભાયાણી પરિવાર આળસ ન રાખે . વરસે એકવાર પંઢરપુરની ડિંડીમાં હજારો હજારો મરાઠી યાત્રાળુઓ દુકાન પાસેથી પદયાત્રાએ નીકળે તેમને અલ્પાહાર અપાતો .
પાડોશીઓ સાથે ખાસ્સો ઘરોબો . ખાવાપીવાનો શોખ તગડો . મન્ના ડે , તલત મહેબૂબ , સાયગલ , સુરૈયા , મોહમ્મદ રફી , મુકેશ , કિશોરકુમાર જેવા ગાયકો અને પૃથ્વીરાજ કપૂર , સોહરાબજી મોદી , અશોકકુમાર , રાજ કપૂર , અમિતાભ બચ્ચન જેવા અભિનેતાઓ વિશે લાંબી લાંબી વાતો થતી કેમ કે આ જ બિઝનેસ લાઈન હતી . મશીન રિપેરિંગમાં સતત મોટા અવાજે સાઉન્ડ ટેસ્ટિંગ કરવું પડતું તેને લીધે નાની ઉંમરે બહેરાશ આવી જશે , એવી મજાક રોજેરોજ અરસપરસ થતી રહેતી . બાળકોને આરસીએમ ગુજરાતી સ્કૂલમાં ભણવા મૂક્યા હતા . બાળકો , દરવરસે સમાજમિલનમાં , ગુડ એજ્યુકેશન કેટેગરીનું સ્પેશ્યલ ઈનામ જીતી લાવતા . વ્યાવસાયિક , પારિવારિક અને સામાજિક વર્તુળ સેટ હતું તેમાં ક્યાંય જૈનધર્મનું નામોનિશાન નહોતું .
સુરેશભાઈ સુપર ટેલેન્ટેડ હતા . ભલભલા વકીલોને દલીલમાં હરાવી દે . સ્વીમિંગનો ભારે શોખ . બેકસ્ટ્રોક પોઝિશનમાં બોડીને ફ્લોટિંગ મોડ પર મૂકી દે . કાન પાણીમાં ડૂબે , બહારના અવાજો બંધ થાય અને અગાધ શાંતિ અનુભવે , ખુલ્લા નાકે શ્વાસ લેતા રહે . એકવાર પત્ની સાથે હોટેલમાં ગયેલા ત્યારે એટલાબધા ઓર્ડર આપતા ગયા કે વીસ પચીસ વેઈટર્સ ઓછા પડી ગયા હતા . નાતનાં જમણવારનું રસોડું એમને સોંપાતું . આત્મીય જનોના અંતિમયાત્રાના પ્રસંગો પણ સંભાળી લેતા . ઇલેક્ટ્રોનિક ઇંજીનિયરિંગમાં એમઈ સુધી પહોંચેલા . વિચક્ષણ બુદ્ધિ પ્રતિભા . સ્પષ્ટવાદી સ્વભાવ . મર્યા પછી ક્યાંક જવાનું છે આટલી શ્રદ્ધા પાકી હતી . मैं मृत्यु सिखाता हूं – ના ઉદ્ઘોષક આચાર્ય રજનીશને સાંભળવા પણ જતા .
અમુક વિચારો દિમાગમાં સ્પષ્ટ હતા : મર્યા બાદ , ફરી જનમવું જ પડે . આ ચક્રનો અંત આપણા હાથમાં નથી . ભગવાનની ભક્તિ થકી સારી જગ્યાએ નવો જનમ થાય . સુખનો અહેસાસ અનેક રસ્તે થાય છે , સુખ કેવળ ભૌતિક સીમાઓમાં બંધાયેલું નથી . ભૌતિકતા સિવાયના સુખની ખોજ ચાલુ રહેતી .
મહામહિમ સૂરિસમ્રાટ્ પૂજ્યપાદ આચાર્ય ભગવંત શ્રીમદ્ વિજય રામચંદ્ર સૂરીશ્વરજી મહારાજાનાં વ્યાખ્યાનો સાંભળવાનું શરૂ કર્યું ત્યારે એવું લાગ્યું કે આજસુધી ગાડી જ્યાં અટકેલી છે ત્યાંથી આગળ વધવાની વાત અહીં થઈ રહી છે . ચાલુ વ્યાખ્યાનમાં ઉટપટાંગ સવાલો પૂછે . જડબાતોડ જવાબ મળે તેનાથી રાજી થાય . અમુક વિચારો જે સૅટ થઈ ચૂક્યા હતા તેમાં સુધારો પણ થવા લાગ્યો અને વધારો પણ થવા લાગ્યો . જૈન દૃષ્ટિએ ભગવાનનું સ્વરૂપ શું છે એ અંગે લાંબો વિચારવિમર્શ થયો . કોઈ પણ આત્મા , સિદ્ધ અવસ્થાએ ભગવાન્ બની શકે છે આ વાત ધીમે ધીમે સમજમાં આવી . આ વાત એકદમ જ ગમી ગઈ . હું પણ સિદ્ધ અવસ્થાએ ભગવાન્ બની શકું છું આ વિચારણાએ આત્મામાં નવું જોશ ભરી દીધું . જૈન આચાર્ય ભગવંત સાથેના પ્રારંભિક પરિચયમાં જ હૈયે એક સંકલ્પ જાગ્યો . વૈષ્ણવ ધર્મના ત્યાગનો સંકલ્પ . જૈન ધર્મના સ્વીકારનો સંકલ્પ . જોકે , આ સંકલ્પની જાણકારી , ભાયાણી પરિવારને કેવી રીતે આપવી આ પ્રશ્ન ઘણો જ મોટો હતો . ( ક્રમશઃ)
રેડિયો અને ગ્રામોફોનની ટક્કર લેવા કેસેટ આવી હતી . પૂના એર હોમે ગ્રામોફોન ડીશના ઓડિયોઝ , કેસેટમાં ટ્રાન્સફર કરી આપવાનું નવું કામ શરૂ કર્યું . માર્કેટમાં રેેેડિયોની જગા ટેપરેકોર્ડર લેશે તે સમજાઈ રહ્યુું હતું . પૂના એર હોમની ટીમમાં હરિદાસભાઈના બે પુત્રો હતા : સુરેશભાઈ અને અનિલભાઈ . સુરેશભાઈના પત્ની જયાબેને ત્રણ સંતાનને જન્મ આપ્યો હતો : પપ્પુ , રાજુ , ટીનુ . પપ્પુનું મુખ્ય નામ ભૂપેશ . રાજુનું મુખ્ય નામ અમિત . ટીનુનું મુખ્ય નામ પ્રકાશ . અનિલભાઈના પત્ની કોકિલાબેને બે સંતાનને જન્મ આપ્યો હતો : નયન અને આશા . સુરેશભાઈ અને અનિલભાઈ દુકાનને પૂરપાટ વેગે આગળ લઈ જઈ રહ્યા હતા . માર્કેટમાં ટીવીનું ચલણ પણ જામવા લાગ્યું . ટીવી રિપેરિંગનું વર્ક સુરેશભાઈના હાથમાં રહે તેવો તખ્તો ઘડાયો . સુરેશભાઈએ બ્લેક એન્ડ વ્હાઈટ ટીવીના જમાનામાં કલર ટીવીનું રિપેરિંગ શીખી લીધું હતું . આજના સમયમાં જેમ કોમ્પ્યુટર પ્રોગ્રામિંગની માસ્ટરી એ મોટી વાત ગણાય છે તેમ એ સમયમાં ટીવી રિપેરિંગ ઘણી જ મોટી બાબત હતી . સુરેશભાઈએ , પત્ની અને બાળકો સાથે અલગ ઘરમાં રહેવાપૂર્વક ટીવી રિપેરિંગ પર ફોકસ જમાવ્યું .
તે દરમ્યાન બે જૈન મંદિરની પ્રતિષ્ઠાના પ્રસંગ માટે પૂના એર હોમની સાઉન્ડ સિસ્ટમ મંગાવવામાં આવી . હરિદાસભાઈ ચુસ્ત વૈષ્ણવ . જૈન સાધુઓ નહાતા નથી આ બાબતની તેમને ભારે સૂગ . મંદિરનાં કામમાં વાંધો હતો નહીં . સુરેશભાઈ , સાઉન્ડ ફીટિંગ કરાવવા અને સાઉન્ડ ચેકિંગ કરવા માટે ગયા . ત્યાં એમને ખબર પડી કે અહીં આવેલા જૈન સાધુને સાંભળવા સેંકડો લોકો આવે છે પરંતુ આ જૈન સાધુ માઈક વાપરતા નથી . નામ પૂછ્યું . જવાબમાં પૂજ્યપાદ આચાર્ય ભગવંત શ્રીમદ્ વિજય રામચંદ્રસૂરીશ્વરજી મહારાજાનું નામ સાંભળવા મળ્યું . આશ્ચર્ય થયું : વ્યાખ્યાન વાચસ્પતિનું બિરૂદ જેમને મળેલું હોય તે માઈક ન વાપરે ? જોવા ગયા કે આખી સભાને અવાજ કેવી રીતે પહોંચે છે ? દેખાયું કે ખરેખર માઈક વગર વ્યાખ્યાન ચાલી રહ્યું હતું અને સૌને અવાજ પહોંચી રહ્યો હતો . શ્રીરામચંદ્રસૂરીશ્વરજી મહારાજા ત્યારે એક પ્રતિષ્ઠાના વિરોધમાં હતા અને બીજી પ્રતિષ્ઠાનાં સમર્થનમાં હતા . આ પણ જાણવા મળ્યું . એક જ આચાર્ય , બે મંદિરની પ્રતિષ્ઠા અંગે બે અલગ મંતવ્યો ધરાવે છે તે અજીબ લાગ્યું . પછી ખબર પડી કે આ જૈન આચાર્ય જે પ્રતિષ્ઠાનાં સમર્થનમાં છે તેનો વિરોધ શરૂ થયેલો છે . એ પણ ખબર પડી કે જૈન આચાર્ય જે પ્રતિષ્ઠાના વિરોધમાં છે તે પ્રતિષ્ઠા માટે એક મોટો વર્ગ તરફેણ કરી રહ્યો છે . આવી ગૂંચવાડા જેવી પરિસ્થિતિ જોઈને સુરેશભાઈને આ આચાર્ય ભગવંત માટે એક કુતૂહલ પેદા થયું . વ્યક્તિગત રીતે મળાય તેવી પોતાની ભૂમિકા હતી નહીં તે યાદ હતું . વ્યાખ્યાન સાંભળવાનો રસ જાગ્યો . એ સાઉન્ડ સિસ્ટમનો ઓર્ડર , પૂના એર હોમને ન મળ્યો હોત તો કદાચ , ભાયાણી પરિવારમાં કોઈ જ વાવંટોળ જાગત નહીં . ( ક્ર્મશઃ )
१ . पितानी कृपा
प्रभुनी कृपाथी पिता सांपडे पितानी कृपाथी प्रभु सांपडे
पिता छत्रछाया छे परिवारनी पिताजी खरेखर जीवनने घडे
पिताए जे दुनियाने जोई छे ते कदी कोई माताए जोई नथी
परीक्षाओ दुनिया तो लेती रहे , पिताजीए हिंमतने खोई नथी
घरे सौने खुशहाल राखे पिता , ने चुपचाप दुनियानी साथे लडे.१
एने बाळपणमां न जे जे मळ्युं ए बद्धुं अपावे ए संतानने
करी कैंक संघर्ष ऊभा रहे , न तूटवा ए घरनां सन्मानने
एनो प्रेम माताथीये छे महान् , भले एनी आंखे ना आंसु पडे.२
ए वातो करे तोये समजवा मळे ए बोले नहीं तोये शीखवा मळे
ए आपे ते देखाय ओछुं भले , एनुं आपेलुं ओछुं कदी ना पडे
जेने मारी माता करे छे नमन , ए पितानी कोई जोड नहीं रे जडे.३
_____________________
२ . प्रेम छत्र अविनाश
मारी ऊपर रहे पितानुं प्रेम छत्र अविनाश
धरती उपर जे रीते फेलायुं छे आकाश
ए माळी थईने मारामां एक बगीचो बनावे छे
प्रेमनुं पाणी वरसावीने फूल घणां नीपजावे छे
मारी पर मारा करतां होय एमने वधु विश्वास
एमनो ए विश्वास जोईने जागे मन उल्लास
मारी उपर …. १
जवाब पहेलां समजावे छे , प्रश्न पछी ए पूछे छे
आंखोमा आंसु आवे ते पहेलां एने लूंछे छे
खोबे खोबे अमरत पाई , बुझवे मारी प्यास
हुं ज्यां अटकुं त्यां आवीने आपे मने प्रकाश
मारी उपर ….२
जीवन नामे ग्रंथ छे एना अगणित छे अध्याय
पिता बने छे गुरु तो जीवन समजवुं सहेलुं
सेवा करतां रहीए एनी जनम जनम थई दास
तोय ऋण चुकवाय नहीं एवी छे एनी सुवास
मारी उपर …. ३
___________________________
३ . कही गया मारा पिता
दुःख जे मनमां उठे ते कोईने कहेवुं नहीं
कही गया मारा पिता के लागणीमां वहेवुं नहीं
आवे कोइ जाय कोइ जिंदगीनो क्रम छे आ
सौ सदा साथे ज रहेशे सौथी मोटो भ्रम छे आ
कोइना आधार पर अटकीने रहेवुं नहीं
कही गया मारा पिता के.१
ए ज वातो याद करजो जेनाथी खुशीओ मळे
ए वातो ना याद करजो जेनाथी हैयुं बळे
हसतां हसतां सही लेवुं के रोईने सहेवुं नहीं
कही गया मारा पिता के. २
एमणे जीवन दीधुं भणतर दीधुं समजण दीधी
आतमाने काम लागे एवी मंगल क्षण दीधी
एमने समर्या विना जळ अन्न मुख ग्रहवुं नहीं
कही गया मारा पिता के .३
_____________________
४ . तेरी खुशबू
तेरी खुशबू तेरा अहसास तेरा ही नाम रहा
जहां जहां भी रहा तूं तेरा दमाम रहा .१
इक तरफ मैं हूँ कि मुझे तेरा बहोत ही काम रहा
इक तरफ तूं है कि तुझे मेरा न कोई काम रहा .२
तेरी दुनिया में तुझे मैं न कुछ भी काम आया
मेरी दुनिया पे तो तेरा साया सुबह शाम रहा .३
अपनी नज़रों से मुझे देखा तूंने जब जब भी
तेरी आँखों में तेरा प्यार तब तमाम रहा .४
तेरी आवाज़ से मेरा नाम बोलता था तूं
मेरे लिए तो वोही सबसे बड़ा ईनाम रहा .५
मुझे बचपन से संवारा है मेरे पिता तूंने
इसी लिए तो आज तक मुझे आराम रहा .६
तूं ही है देव तूं ही ऋद्धि तूं ही है सब कुछ
जनम जनम से देवर्धि का तुजे प्रणाम रहा .७
